3 ANG PATAY | Bungguanay sang motor vs. tricycle 3 patay

CADIZ CITY, NEGROS OCCIDENTAL – Dead on the spot ang tatlo ka mga biktima matapos nga nagbungguanay ang ila sini ginasakyan nga motor kag traysikol mga las 11:40 kagab-i sa Crossing Cadiz, Brgy. Daga, Cadiz City.

Nakilala ang mga biktima nga naga-angkasanay sa motor nga amo sanday Tonying Amora kag Alyas Tingkoy Asis, lunsay pumuluyo sang Had. Buena Suerte, Brgy. Andres Bonifacio, Cadiz City subong man ang driver sang traysikol nga si Michael Amandat.

Samtang, napilasan naman ang pasahero sang traysikol nga si Elmer Canillada, 35 anyos ang edad, pumuluyo sang Purok Langka, Brgy. Caduhaan, Cadiz.


Suno sa imbestigasyon sang pulis, ang motor ang naghalin sa city proper kag magapauli na kuntani sa Brgy. Andres Bonifacio sang ini ang nakabunggo sa traysikol.

Ginpahayag nga posible tuman ka dasig ang padalagan sang motor kag traysikol bangud nga halos nagkalahukas gid ang pila ka mga parte sini.

Facebook Comments