General Santos City—Patay ang usa ka 3 anyos nga batang babaye human matud pa kining gituok sa iyang kaugalingong amahan sulod mismo sa ilang panimalay sa may Barangay Sinawal, Gensan.
Biktima itago lang sa pangalang Alias Angel, 3 anyos. Matud sa inahan sa biktima nga itago lang sa pangalang Alias Lily naabtan niini ang iyang anak sa ilang balay nga nagluya.
Gipangutana sa ginang kung unsay gibati niini ug didto gibutyag sa bata nga siya gituok sa iyang amahan ug gihapak matud pa sa ulo. Tungod niini nangayo ug tabang ang ginang ngadto kang Sinawal kapitan Lozano apan tungod wala syay referral ug wala usab kini kwarta mao nga wala nila madala sa ospital ang biktima.
Gabie, adlawng Domingo dihang nakabsan ug kinabuhi ang bata didto mismo sa ilang panimalay.
Gidakop usab sa kapulisan ang suspek human nasuta nga aduna kini warrant of arrest sa kasong Homicide sa Pigcawayan, North Cotabato.
Samtang gikumperma usab sa ginang nga kakunay syang kulatahon sa iyang bana gumikan sa selos. Apil usab nga ginakulata sa suspek ang ilang mga anak higayon nga kini masuko.
Sa karon ang suspek gidala na sa Pigcawayan, samtang ang biktima gihaya na sa ilang panimalay sa Barangay Sinawal.
