3 gipamusil sa Sundalo-1 patay,2 angol

General Santos City – 1 patay samtang 2 angol sa nahitabong pagpamusil sa sundalo ngadto sa tulo ka mga biktima atubangan sa usa ka imnanan sa may Cannery Road, Barangay Poblacion, Polomolok, South Cotabato.

Ang biktimang namatay nailhang si Aries John Ang, 23, ulitawo, construction worker ug residenti sa Avocado St., Citizens Village, Polomolok. Samtang giila usab ang mga naangol nga silang si John Angelo Felisilda, 18-anyos, senior high school ug Freddie Simacas, 27, ulitawo, residente sa samang lugar.

Giila usab ang mga suspek nga silang si PFC Reynold Londres, 28-anyos, minyo, sakop sa 27th IB, Philippine Army, Staff Sergeant Trance, PFC Sabillo ug Staff Sergeant Rebullos.


Sumala kang ni Lita, inahan ni Aries Ang, nga nagbingkil ang mga biktima ug ang mga suspetsado sulod sa Blue Bar. Paggawas sa mga nahisgutan, didto na sila nagtiwas sa ilang away nga misangko sa pagpamusil sa mga suspek ngadto sa mga biktima.

On the spot patay si Ang, samtang gipangdala sa managlahing ospital ang mga biktimang naangol. Malampusong nasikop si PFC Londres samtang nakasibat ang tulo niya ka mga kaubanan.

Narekober gikan sa lugar ang (8) ka mga bala sa caliber. 45 pistol, (2) slugs, (1) holster, (1) cellphone ug ID. Sa karon nagpadayon ang gihimong imbistigasyon sa kapulisan kalabutan sa insidenti.

Facebook Comments