3 in 1 / Tulo ka drug personalities, nasikop sa buy bust operation

Tulo ka drug personalities ang nasikop sa kapulisan sa Cogon sulod lamang sa usa ka adlaw.

 

Unang nasikop mga alas 3 sa hapon sa Barangay 2 ning syudad ang 32 anyos nga si Tristan Jay Lasantas nga taga Barangay Nazareth ning syudad.

 

Nakuha gikan kang Lasantas ang usa ka sachet sa gituohang shabu nga nagkantidad og 10-mil pesos ug 500 pesos nga buy bust money.


 

Samtang mga alas 6 kagabie nasikop sa Barangay Nazareth silang Sherwin Joseph Sako, 32 anyos nga taga Barangay Gusa ug Raul Pajo, 48 anyos nga taga Barangay Nazareth.

 

Nakuha gikan kang Sako ang usa ka sachet sa gituohang shabu, 500 pesos nga buy bust money ug lain pang 31 kabuok nga pekeng mga 500 pesos nga gihimong marked money, usa ka improvised glass pipe ug drug paraphernalia.

 

Nasayran nga niabot sa 25-mil pesos ang kantidad sa shabu nga nakuha gikan sa mga suspek.

 

Gisikop ang tulo pinaagi sa Special Drug Enforcement Team sa Cogon Police Station sa pagpanguna sa ilang Hepe nga si Police Sr. Insp. Dennis Quindara.

Facebook Comments