3 ka butang nakitang hinungdan sa usa ka political analyst sa pag-ubos sa rating ni Pangulong Duterte

Tulo matud pa ka butang ang nakitang hinungdan sa usa ka political analyst sa pag-ubos sa trust ug satisfaction ratings ni Pangulong Rodrigo Duterte base sa pinaka-ulahing survey sa Social Weather Station.

Kini human miubos sa sa +48 ang kanhi +66 nga trust at satisfaction rating sa pangulo.

Sa interview sa RMN Malaybalay ngadto kang Professor Ramon Casiple gibutyag niini nga karong ikaduhang tuig na sa pamunuan, mu-ubos gayod ang ratings sa tanang president.


Matud pa ni Professor Casiple nga ikaduhang factor mao ang nahitabong patay sa nasud. Kung basehan matud pa ang survey kaniadtong Disyembre 2016, nagbutyag nga bisan ug taas ang suporta sa publiko sa anti-drug campaign mao usab kataas ang kabalaka sa katawhan sa pamatay.

Apan kinahanglan usab matud pa kini ug i-evalaute tungod kay dili usab kaayo daghan ang direktang apektado sa pamatay nga nahitabo.

Gidugang pa niini nga mas bug-at ang ikatulong hinungdan tungod kay kabahin na sa pag-ubos sa rating sa usa ka pangulo ang hisgutanan sama sa peace and order, corruption, problema sa trapiko, inflation, trabaho.

Dako matud pa kining hisgutanan tungod kay mao kini ang gipasalig sa administarsyon ang kabag-ohan.

Gipasabot pa ni Casiple nga ang interpretasyon sa katawhan sa “pagbabago” diha-diha dayon masinati, apan dili matud pa tanan niini mahitabo dayon kon dili “long term” kon makab-ot kini sulod sa taas-taas nga panahaon.

Facebook Comments