3 ka drug suspect dakpan

Nasakoti sa kamot sa kapulisan ang tulo ka mga suspek sa pagpayuhot ug illegal nga drogang shabu sa gikasang drug buy bust operation, bandang ala 1 ang takna kaganinang kaadlawon sulod sa usa ka lodging house ning syudad sa Butuan.
Nakuha sa Intelligence Operatives sa Butuan City Police Office (BCP) ang mokabat sa 29 grams suspected shabu gikan sa tulo ka mga suspek nga giila’ng sila si Rico Quisada, Rudy Lolo ug usa ka Alyas Archie – kinsa pulos residenti sa Bislig city, Surigao del Sur.
Nag-check in ang tulo ka mga suspek sa Ultimate Apartelle, Capitol drive ning syudad sa Butuan ug didto nag-transack sa ilang dalang droga.
Ulahi na nasayran sa mga suspek nga pulis nga sakop sa Intelligence Operativce sa BCPO ang ilang ka-transaksyon ug miresulta sa ilang pag-aresto.
Samtang gihikay na sa kapulisan ang kasong paglapas sa RA 9165 kon Comprehensive Dangerous Drugs Act of 2002 nga ipasaka batok sa tulo ka mga suspetsado.
Sent from my Samsung Galaxy smartphone.

Facebook Comments