Davao City – Wala na ka lahos sa ilang pinuy-anan ang tulo ka mga hamtung nga gitoohang nangompra og illegal nga droga human naharang kini sa checkpoint sa Task Force Davao Sirawan, Toril, Davao City.
Mga dinakpan giila sa mga kapolisan nga sila si Robert Dela Cruz, 35 anyos, Ariz Retiza, 34 anyos, pulos residente sa syudad sa Davao ug Kart Pilapil, 29 anyos, residente sa Brgy. Sto.Niño, Talaingod, Davao del Norte.
Sumala sa report, sayo sa buntag Marao 15, 2023 sa dihang pasulod na unta sa syudad ang usa ka SUV nga gisakyan sa mga suspek. Sa gihimong inspeksyon, kapin P100K nga kantidad sa illegal nga droga ang nakuha sa mga awtoridad lakip na ang usa ka .22 kalibre nga armas.
Padayun pang gina-imbestigahan sa kapolisan kun asa gikan ang mga illegal nga kontrabando nga gidala sa mga suspetsado.
Mga dinakpan gikustodiya na sa kapolisan sa Toril.
RadyoMaN Paul Canono
Facebook Comments
