Davao City – Gikasuhan na kagahapong adlawa ang tulo ka mga langyaw kinsa iligal nga gapamalit og endangered nga kahoy nga mao ang Agarwood.
Gipasang-at na sa National Bureau of Investigation kun NBI XI ang kaso sa paglapas sa PD 705 section 77 batok sa mga suspek nga sila Mot Tahear, Malaysian, Ahmad Azim Binmat Rahim, Malaysian ug Muhammad Isa Tahear usa ka Cambodian.
Posibleng mapriso ang mga suspek sulod sa duha ngadto sa upat ka tuig subay sa balaod.
Kahinumduman nga nasikop ang mga suspek sa joint operation sa pagpanguna sa National Bureau of Investigation XI, DENR, Philippine Coastguard ug Bureau of Immigration niadtong adlawng Biyernes, Mayo 11 sulod sa gipondohang hotel dinhi sa dakbayan sa Davao.
Nakuha sa posisyon sa mga suspek ang mga kahoy nga gisulod pa sa mga maleta.
Una ng giingon sa Department of Environment of Natural Resources XI ang Lapnisan o Agarwood usa ka klase sa kahoy nga ginagamit nga tambal sa kanser ug ginagamit usab nga ingredient sa perfume.
RadyoMaN Renz Barbarona
