Davao City – Padayon gihapong nakigbisog ang Davao City sa nagapadayon nga Batang Pinoy 2019 Mindanao Leg diin nanguna gihapon kini sa maong sporting event nga gipahigayon karon sa Davao del Norte.
Sa pinaka-ulahing update sa Philippine Sports Commission (PSC) sa Batang Pinoy Medal Tally Mindanao Qualifying Leg as of 2pm karong hapon lamang, Perbrero 8, 2019, nanguna ang Davao City nga adunay 42 golds, 31 silvers ug 47 bronze.
Dayon gisundan sa General Santos City (21 gold, 25 silver, 27 bronze), ikatulo ang Koronadal City (21 gold, 10 silver, 6 bronze), ikaupat mao ang Davao del Norte (20 gold, 21 silver, 18 bronze), ikalima ang Cagayan de Oro (20 gold, 16 silver, 34 bronze).
Anaa sa ikaunom nga pwesto ang South Cotabato (19 gold, 22 silver, 19 bronze) gisundan sa Cotabato Province (19 gold, 13 silver, 9 bronze), ikawalo ang Zamboanga City (14 gold, 14 silver, 21 bronze) dayon ang Tacurong City (13 gold, 8 silver, 7 bronze) ug anaa sa ikanapulo nga pwesto ang Tagum City (10, gold, 9 silver, 9 bronze).
RadyoMaN Kirby Manzon
