3 ka magsuon patay sa pagpamusil sa Malapatan, samtang 7 anyos nga minor de edad samdan human nadamay

36

General Santos City—Patay ang tulo ka managsuon samtang angol ang usa ka minor de edad sa nahitabong pagpamusil sa usa ka suspek didto sa Sitio Maligang, Barangay Sapu Masla, Malapatan, Sarangani Province, alas 6:00 ang takna.

Mga biktimang namatay nailang silang si Jason Engkong, 25 anyos, Roland Engkong, 33 anyos ug Angelo Engkong, 36 anyos, pulos residenti sa maong lugar, samtang angol ang 7 anyos nga minor de edad nga si Alias Marvin, anak sa namatay nga si Jason.


Subay sa pahayag sa bayaw sa mga biktima nga alas 6:00 ang takna sa gabie samtang nanan-aw ug TV ang biktimang silang si Angelo ug Roland ubana ng ilang mga anak sulod sa ilang panimalay, kalit lang misulod ang usa ka suspetsado agi sa kusina nga bahin dayon gipamusil ang mga nasangpit.

Dihang nakadungog ug buto-buto sa pusil ang biktimang si Jason gilayon kining mirespondi sa balay sa iyang mga igsuon, apan siya gipusil sab sa suspek igo sa nagkandaiyang parti sa lawas, nadamay pa ang anak niining si Marvin nga nagsunod kaniya dihang mirespondi kini sa balay sa iyang nga igsuon.

Paspas nga misibat ang mga suspek nga ginganlan ug Jonathan Tablo sa wala masayring lugar samtang nakabsan dayon ug kinabuhi ang tulo ka managsuon. Ang Minor de edad gidala dayon sa ilang mga kabanay sa Dr. Jorge Royeca Hospital human nakaangkon ug samad sa iyang tiil nga bahin.

Sa imbistigasyon sa kapulisan ang suspek nga si Tablo ang lambigit na sa pipila ka kaso sa pagpamusil patay sa Sarangani Province.

Sa karon nagpadayon pa ang gihimong imbistigasyon sa kapulisan kalabutan sa insidenti ug ginasuta pa sa kapulisan ang motibo sa krimen.

Facebook Comments

From Advertisers