3 ka tawo DOA sa natabo nga traffic accident sa Bago City sini nga kaagahon

Bago City, Negros Occidental – Tatlo ka tawo ang dead on the spot sang nakabunggo ang isa ka motorsiklo sa isa ka tanker truck pasado las 2 sini nga kaagahon sa national highway sang Purok Trese y medya, Brgy. Taloc, Bago City. 

 

Ang mga biktima nakilala nga sanday Lonie Benguelo, legal ang edad, Eljohn Ina, 23 anyos kag Gerald Ina, legal ang edad, tanan pumuluyo sang Brgy. Balingasag, Bago City.

 

Ginpahayag sang imbestigador sang Bago City PNP aksidente nga nabungguan sang motorsiklo nga ginasakyan sang mga biktima sa naka-park nga tanker truck sa higad sang dalan nga gina-maneho naman ni Jessie Arguillon.

 

Nahibaluan nga ang mga biktima nag-angkon sang madamo nga samad sa nagkalain lain nga bahin sang ila lawas kag gin declare dead-on-arrival sa ospital.

 

Ang mga biktima naga byahe halin sa norte padulong sa sur kag ginapatihan nga ini sila ang magapaulli na kuntani sang natabo ang aksidente./ dyHB-Bacolod



 

 

Facebook Comments