3 man hermano muerto de lumus

Ya puede ya recobri con el cuerpo del tres man hermano qujien yan lumus na rio del Dulian del Dia del Todo Los Santos.
Con el maga victima ya conose como canda Jade, 16, Owen JOhn, 11 y si Betwel, 8, todo Arcillas el apelyido.
Asegun con el nana del maga victima si Maybelyn Arcillas alas 11 del aga del Noviembre a-uno cuando ya pidi permiso conele si Jade para lleva le consu dos menor hermano na Sitio Glorigold na mismo barrion donde talya el dilla caingin de mais.
Asegun ay man pu-pu mais el tres man hermano para ayuda na diila lavida.
Ya larga biahe el tres man hermano muntando con el diila bac con pahagat.
Pero hasta ala maniana nohay mas estos puede bolbe casa.
Del Domingo aga con el cuerpo di Jade ya encontra na Mina Curuan ya mientras bien quebrantao el deste cabesa.
Nohay pa dayun sabe si Maybelyn y su esposo si Rodelyn con el cosa ya pasa con el diila maga anac.
Del Lunes ya lang ya sabe el man maridable aserca el recobrida con el cuerpo di Jade y Dayun sila ya anda na Villa Funeral Homes.
Enantes aga mientras na poneraria pa el man maridable y otro maga pamilya, ya puede ya tambien encontra con el dos otro hermano na rio cuantos kilometro distancia desde na lugar donde sila yan lumus.
Asegun mientras ta travaesa sila na rio derepente ya abaha el cabesera y ya lleva canila el corentaso que ya causa el diila muerte.
El man maridable ya anda na DXRZ RMN Zamboanga para cunta el cosa ya pasa con el diila tres anac hombre.

Facebook Comments