TACLOBAN CITY – Naugbaw hin sunog an tulo nga classrooms ha San Jose De Buan Elementary School, San Jose De Buan, Samar kasangkulop, February 5, 2019.
Tungod nga waray fire station an nasabi nga bungto, nagburublig nala an kapulisan, kasundaluhan ngan mga residente pagpatay han kalayo.
Subay han report han San Jose De Buan PNP, grade 2 building an nasunog, alas 9:45 han aga.
Faulty electrical wiring an ginhihingita han mga otoridad nga rason han pagtikang han sunog.
Gindeklara an fire-out alas 10:10 na han aga.
P1-Million an danyos han insidente.
Sumala han mga otoridad, maupay nala nga non-working day adto nga adlaw ngan waray klase an mga kabataan.
Ha Paranas, Samar pa mayada fire station kun diin 35 km an kahirayo ha San Jose De Buan.
Mga residente, kapulisan ngan kasundaluhan han Alpha ngan bravo companies han 87th Infantry Battalion.
