Tulo patay samtang 11 ang naluwas sa natikyaob nga pumpboat sa barangay Madredijos, lungsod sa Alegria. Lakip nga naluwas ang usa ka tuig nga masuso ug duha ka 2-anyos nga bata.
Naila ang mga namatay nga silang Rosalyn Peligro, 31anyos, supervisor sa usa ka tindahan sa dakbayan sa Sugbu, Albert Lopez, 24anyos ug Ruby Peligro, 27anyos, nga pulos taga Santa Filomena, Alegria.
Sa inisyal nga imbistigasyon padung nang mamauli ang grupo nga gikan nag excursion sakay sa 18 seater nga pumpboat sa dihang gisugat og dagkong bawod.
Ang mga biktima nag outing sa Batong Malunhaw Resort, og nag island hopping, apan samtang pabalik na unta sa Brgy. Filomena diin sila nanukad sa pagsakay sa pumpboat natikyaob ang motorbonca.
Facebook Comments
