3 pilason sa nagluntad nga disgrasya sa dalanon.

17

Pilason ang driver kag duha ka backriders sang motorsiklo sa nagluntad nga disgrasya sa dalanon sa national highway, Brgy. Zone 2, Koronadal City, alas 10:30 kagab-i, Hunyo 02, 2021.
Imbolbado nga mga salakyan ang isa ka Ford Ecosport ginamaneho ni Warix Mupak Tumamin kag isa ka unit sang Yamaha motorcycle, ginamaneho ni Jerome Pama.
Sa imbestigasyon sang Traffic Section sang Koronadal CPS halin sa roundball ang Ford Ecosport apang pag-abot sa atubang sang Green Valley, Brgy. Zone II ang naghinay-hinay kag nagliko, apang aksidente nga naigo ang atubang nga bahin sang motorsiklo.
Resulta nakaangkon sang fatal injuries ang driver sang motorsiklo nga gindala sa South Cotabato Provincial Hospital upod ang mga backriders sini nga sanday Joana Gwen Plang kag Grason James Pama.
Ginkustodiya naman sa Koronadal CPS ang driver sang Ford Ecosport.

Facebook Comments