3 sa 84 pulis nga na-test sa PRO XI RT-PCR lab positibo sa COVID-19

19

Davao City – Kasamtangang naka-isolate na karon ang tulo ka mga personahe sa Regional Headquarters nga nagpositibo sa COVID-19 kinsa mga lakip sa 84 ka mga unang nipailawom sa testing sa Reverse transcription-polymerase chain reaction (RT-PCR) Molecular Laboratory sa Police Regional Office XI.

Sa interbyu sa RMN Davao kang PRO XI spokesperson Police Major Eudisan Gultiano, asymptomatic ang tulo ka mga personahe.


Kasamtangan kini karong naka-isolate sa isolation facility sa Philippine National Police (PNP) sa Barangay Malagos, Calinan District.

Matud ni Gultiano tanang closed contacts sa tulo ka mga nag-positibong personahe negatibo sa swab test apan gipang-quarantine na usab.

Samtang, gihulat pa ang resulta sa RT-PCR test sa laing 75 ka mga personaheng gipang-test.

Mokabat sa 293 na ang nagpositibo sa PRO XI sukad niadtong Marso 2020.



RadyoMaN Aimee Guinita


Facebook Comments