3-signit sa Drug Operation sa PDEA-12 sa Koronadal City

32

General Santos City—sikop sa operatiba sa Philippine Drug Enforcement Agency (PDEA)-12 ang tulo ka mga suspetsadong lambigit sa iligal nga druga atol sa gihimong managlahing buy-bust operations sa Koronadal City kagahapong adlawa December 7, 2017.

Ala 1:00 sa hapon gisikop sa operatiba sa PDEA Regional Office-12 ilawom sa superbisyon ni Director Valente G. Cariño ang usa ka buy-bust operation sa Odi Street corner Morrow Street, Barangay Zone 2, Koronadal City nga miresulta sa pagkasikop sa suspek nga si Ariel Chiva, 44, minyo, machinist ug residenti sa Bo. 8, Koronadal City kung asa napalitan ug gikatahapang sa usa ka PDEA Agent.

Sikop usab ang kaubanan niining si Aldrin Camposano, 30, minyo, machinist ug residenti sa Purok Bagong Lipunan, Barangay San Isidro, Koronadal City. Nakuha sa iyang posisyon ang (2) ka sachet sa suspected shabu nga anaa sa 0.5 gram nga may estimated market value nga P2,500.00.

Samtang ala 1:30 sa hapon sikop sa laing operasyon ang suspek nga si Romeo Morte Jr., 34,minyo, dispatcher ug residenti sa Zone 1, Koronadal City.

Si Morte ang gikaingong supplier sa illegal drugs nga ginabaligya ni Chiva ug Camposano. Nakuha gikan sa iyang posisyon ang (1) ka sachet sa suspected shabu nga anaa sa (2) ka gramos nga gibana-banaang anaa sa P10,000.00 ang kantidad.

Kasong kalapasan sa Section 5 (Sale of Dangerous Drugs) ug Section 11 (Possession of Dangerous Drugs), sa Article II ilawom sa RA 9165 (Comprehensive Dangerous Drugs Act of 2002) ang ipasang-at batok sa mga suspetsado kansa balhog karon sa silda sa PDEA-12.

(Photo Credit to PDEA Socksargen)

Facebook Comments