3 sikop sa implementasyon sa search warrant operation

Handcuffs

General Santos City–Sikop ang tulo ka mga indibidwal sa magkasunod nga implimentasyon ug search warrant sa City Intelligence Branch sa pag panguna ni Police Lieutenant Col. Lorenzo Henares III ang Hepe sa CIB sa General Santos City, Police Office.

Sumala pa ni Police Major Rexor Canoy, Spokesperson sa Gensan City Police Office nga unang nasikop ang usa ka Rey Molegro Isaloc , 48, negosyante ug nanimuyo sa Agan North, Phase 3, Barangay San Isidro, alas 5:00 ang takna sa buntag kung asa nakuhaan kini ug usa ka unit sa 12 gauge shotgun nga dunay 4 ka buhing bala.

Sunod usab nga gisulod sa kapulisan ang panimalay sa usa ka Ludivico Selim, 66 anyos nga nanimuyo sa Prk 5, intake, Barangay Mabuhay ning syudad kung asa gi-serve sa iyahang panimalay ang search warrant alas 6:00 ang takna sa buntag ug nakuha usab sa panimalay niini ang usa ka kalibre 45 nga armas; duha ka mga magazine ug 12 ka mga buhing bala.


Uwahing nasikop mao si Ernie Pronda alyas Ernie Pronda, 32 anyos nga nanimuyo sa Agan South Villas, Barangay Lagao alas 6:30 ang takna sa buntag kung asa nakuha sa panimalay niini ang usa ka caliber 40 pistol; usa ka magazine ug 9 ka buhing bala.

Ang mga nasampit ang walay napakita nga dukomento sa ilahang mga armas hinungdan nga gisikop sa kapulisan.

Gipahigayon matud pa ang maong operasyon aron nga ma kumpiska sa kapulisan ang tanang armas nga walay saktong dukomento isip usa usab sa mga aksyon aron nga makonhuran ang mga pagpamusil nga nahitabo sa syudad sa Gensan.(Dave Silagan)
(Photo is for illustration only )

Facebook Comments