3 sikop sa sunod sunod nga operasyon sa PDEA-12

General Santos City—signit sa operatiba sa Philippine Drug Enforcement Agency-12 ilawom sa superbisyon ni Director Gil Cesario Castro ang 3 ka mga drug offenders atol sa ilang sunod sunod nga operasyon.

Unang nasikop alas 5:20 sa hapon atol sa buy-bust operation sa may Purok Masagana, Brgy. Blingkong, Lutayan, Sultan Kudarat ang suspek nga si Eddie Ginez alias Eddie, 47, minyo, negusyante ug residenti sa nasangpit nga lugar.

Sunod nga nasikop sa gihimong operasyon sa hiniusang pwersa sa Pikit Municipal Police Station RPSB -12 ug PDEA ang usa ka Jinky Sulaiman 30, residenti sa Kabacan, North Cotabato ug Haron Gesulga, 35, construction worker ug residenti sa Purok Daisy, Brgy. Poblacion, Pikit, North Cotabato.


Mukabat sa 8.15 ka gramo sa suspected shabu nga nagkantidad ug P 40,750.00 ug (2) ka P500.00 bill ang nakumpiska gikan sa mga suspek.

Kasong kalapasan sa Sections 5, 11 ug 12 sa Article II ilawom sa Republic Act 9165 (Comprehensive Dangerous Drugs Act of 2002) ang gipasang-at nga kaso batok sa nasangpit nga mga suspetsado.karon anaa na balhog sa silda sa PDEA-12 ang mga suspek.

Facebook Comments