30 ka pamilya apektado sa baha ug landslide sa Polomolok-gitabangan

Polomolok, South Cotabato – mukabat sa 30 ka mga pamilya ang naapektuhan sa pagbaha ug landslide sa Purok 1-A, Barangay Landan, Polomolok, South Cotabato.
Ang baha ug landslide resulta sa sunod sunod nga pagbundak sa kusog nga ulan sa pipila ka lugar sa South Cotabato apil na dinhi ang Polomolok.
Sa report sa Provincial Disaster Risk Reduction and Management Council PDRRMC pinaagi ni Provincial Disaster Officer Milagros Lorca, nga mukabat sa pito ka panimalay ang totally damage ug upat ka panimalay ang partially damage gumikan sa flash flood samtang usa usab ka balay ang giguba sa landslide.
Gidugang pa ni Lorca nga ang mga apektado pulos mga informal settlers kansa pulos mga miyembro sa Indigenous People (IP’S)
Gilayon nga nagpadala ug tabang ang lokal nga panggamhanan sa Polomolok pinaagi sa ilang MDRRMC ug MSWDO. Samtang ang PDRRMO-South Cotabato ang naghatag usab ug tabang ngadto sa mga apektadong pamilya.
Samtang ginatun-an pa sa kasamtangan sa lokal nga panggamhanan sa lungsod sa Polomolok ang paghatag ug relocation site sa mga nasampit nga biktima hilabi na nga ang lugar nga gipuy-an sa mga nahisgutan ang makonsiderang highrisk sa baha ug landslide.

Facebook Comments