31-de-edad mujer muerto na incendio

ZAMBOANGA CITY–Un 31 de edad mujer el ya muri despues ya man bacul conele el fuego adentro del diila casa durante el incendio ya sosede na Southcom Village, Calarian enantes tarde. El victima amo si Roma Sabado. Su resto ya recobri serca ya na puerta del diila casa despues el quema. El maga imbestigador del bumbero ya habla el fuego ya comensa na segundo andana del casa del familia Sabado y ya man calayat na entero casa y na maga besinos incluwido ya el lechon manok stand y el un salon. Asegun antede sosede el quema, si Roma y el diila ayudanta adentro del casa particular na segundo andana cuando derepente ya arde el un porcion del casa y llegero ya man calayat el fuego. Aquel hora bien dormido si Roma donde ya precura pa conele hace disperta el ayudanta pero cay porcausa ta man calayat ya el fuego na entero casa ya deha asegun conele el yaya y ya corre este pa apfuera del casa. El imbestigador del bumbero ya habla posible ya puede pa abaha na primer piso del casa si Roma person nohay mas este puede pa sale na casa. Su resto ya encontra un pies destancia para na puerta del diila casa. — Dan Toribio

Facebook Comments