Roxas City, Capiz – Naglab-ot 32 ka litro sang tiningi nga gasolina ang nakumpiskar sang Bureau of Fire Protection Roxas sa duha ka mga persona nga nadakpan sa akto nga nagabaligya sa Barangay Lanot, Roxas City.
Ginkilala ang mga nadakpan nga sanday Jasper Duran kag Jockanel Alvero, lunsay mga residente sang nasambit nga lugar. Natalana nga magbayad sang nagakaigo nga multa ang duha matapos naglapas sa ordinansa sang syudad (city ordinance number 23 series of 2015) nga nagadumili sang pagbaligya sang tiningi nga gasolina. Samtang yara naman sa paghinakop sang BFP-Roxas ang mga nakumpiskar nga gasolina.
*(photo from BFP-Roxas)*
Facebook Comments
