322 ka mga drivers, conductor’s kag dispatcher’s ginpaidalom sang PDEA 12 sa surprise drug test.

Nagalab-ot sa 322 ka mga drivers, conductors kag dispatchers ang ginpaidalom sa surprise drug test sang Philippine Drug Enforcement Agency 12 (PDEA) upod ang mga partner agencies kabahin sang implementasyon sang OPLAN ‘HULI WEEK’ sang ahensya sang Abril 15-16, 2019.
Sa una nga adlaw nga implementasyon yara sa 232 ka mga bus,van drivers, conductors kag dispatchers sa General Santos City Public Terminal ang ginpaidalom sa drug test kag pagkasunod nga adlaw nagalab-ot naman sa 90 ka mga drivers kag conductors ang ginpaidalom sa random drug test sa Koronadal City Integrated Public Terminal.
Apang base sa resulta sang confirmatory test, isa ka bus driver ang nagpositibo sa paggamit sang shabu.
May-angot sini, ang driver’s license sang nasambit nga driver ang ginturned-over sa LTO para sa proper disposition kag ginpaidalom sa counselling sang PDEA 12 kag ginturned over sa DOH para sa screening kag intervention.
Magluwas sa drug test, kabahin man sang implementation sang Oplan ‘HULI WEEK’ sang ahensya, nagpangdistribute man sila sang IEC materials ukon PDEA Comics sa mga drivers kag pasahero sa lugar.
Nagpatigayon man sang random inspection sa mga salakyan kag bagahe sa mga public terminals, seaports kag General Santos City Airport ang PDEA ROXII K9 Unit, Seaport Interdiction Unit and Airport Interdiction Unit agud masiguro nga wala sang makasulod kag gwa nga illegal drugs tungod sa sini nga panahon ginabentaha suno pa sang mga drug traffickers ang pagdagsa sang mga pasahero sa nasambit nga mga areas.
credit to PDEA 12

Facebook Comments