34 sa 100 ka COVID-19 positive sa Barangay Estefania naka recover na

Nagapasalamat si Punong Barangay Jerry Tingson sang Brgy. Estefania sa ciudad sang Bacolod nga madamo na ang naka-recover sa mga positibo sa coronavirus sa ila lugar.

Sa 100 ka mga positibo sa covid-19 sa Estefania, 34 diri ang naka-recover na sa diin lakip ang pila ka mga call center agents.

Sa karun may yara na lang sang masobra 50 ka pamilya nga gina-quarantine sa Estefania.Samtang nalab-ot man sang barangay ang 570 nga quota sa ila sa ginpatigayon nga mass testing sang Agosto 28-29 kadungan sang Timeout Weekend.


Sa pihak nga bahin, naghingyo si Kapitan Tingson nga dugangan ang home quarantine pass (HQP) nga gin-issue sa ila matapos nga ginpaisol sa Setyembre 6 ang implementasyon sini, sa baylo nga sini nga Setyembre 3. Nahibaluan nga 14,000 ang gin-request nga HQP sang Estefania apang ginbuhinan ini sang masobra 2,000.

[image: image.png]

Facebook Comments