340K nga kantidad hin ‘shabu’, narikupo ha Tacloban City

TACLOBAN CITY – Narikupo han Philippine Drug Enforcement Agency (PDEA) an 50 ka-gramo nga gin-aaligar illegal nga droga tikang ha mga suspek ha Magsaysay Boulevard, Brgy. 25, Tacloban City, dida han Lunes January 21, 2018.

Basi ha report han PDEA, ginkilala an suspek nga hira Tykie Alcaraz, 32 anyos, waray trabaho, aada ha watchlist, residente ha Anibong Brgy. 57; Vince Retutas Baldota alyas “George”, 20 anyos, waray trabaho, residente ha San Jose, Brgy 87; ngan hi Kenneth Velarde Acueza, usa nga High Value Target, 19 anyos, waray trabaho, residente ha Anibong, Brgy 67.

Ha buy-bust operation han mga otoridad, napalit han posuer buyer han PDEA tikang ha mga suspek an lima (5) kapakete han gin-aaligar shabu nga nagkakantidad hin PHP340,000.00


Maatubang an suspek ha mga kaso ha ilarom han Dangerous Drugs Act.

Paslak na an mga suspek ha PDEA detention facility.

Facebook Comments