BACOLOD CITY – Isa ka lalaki ang nagtuyo na maghikog matapos ini ginpakahuy-an sang iya live-in partner sa atubang sang madamo nga tawo kahapon sang aga sa isa ka barangay diri sa ciudad sang Bacolod.
Ang biktima, isa ka 35 anyos nga lalaki nga tumandok sang ciudad sang Kabankalan kag temporaryo naman nga nagapuyo sa isa ka barangay diri sa Bacolod City upod ang iya livein partner nga babayi nga naga-edad naman sang 55 anyos.
Base sa pagpangusisa, ang amo nga lalaki ang naga-bilasyon sa tupad nila balay kon diin pila ka adlaw na ini nga naga-pulaw didto.
Kahapon sang aga, ini siya ang ginsulong sang iya live-in partner, ginyawyaw kag ginhambalan nga “dira ka na lang, ikaw man dason mapatay.”
Bangud sini, nahuya ang biktima, gani nagpauli ini sa ila balay kon diin ginpensar sang babayi nga magapahuway lamang ang lalaki gani daku ang iya kakibot sang nasapwan niya ini nga naghigot na sang paha sa iya liog ang biktima ang nagtuyo nga maghikog.
Dali-dali nga gindala sa Corazon Locsin Montelibano Memorial Regional Hospital ang biktima kag padayon ini karon nga ginabulong./dyHB BACOLOD
