35 DAKPAN SAMTANG USA PATAY SA GIHIMONG ONE TIME BIG TIME SA POLICE REGIONAL OFFICE 12

14

General Santos City— Mukabat sa 78 ka mga search warrant ug warrant of arrest ang gi-implementa sa gihimong one time big time operation sa Police Regional Office 12

Sumala kang Police BGen. Alfred Corpus, Regional Director sa PRO12 nga ana sa 35 ang mga naaresto sa tibuok rehiyon lakip na ang mga wanted sa provincial ug municipal level ingon man miresulta sa kamatayon sa usa ka top 3 most wanted sa probinsya sa sarangani.


Atol sa halos usa ka adlaw nga operasyon, mukabat sa 41 ka unit sa managlahing armas, mga explosibo ingon man 74 ka sachet sa illegal nga droga nga gibana-banaang ana sa kantidad nga 500mil ngadto na usa ka milyon ug ubay-ubay nga matang sa buhing bala.

Dugang pamahayag ni BGen. Corpus nga tanang mga target nga naaresto ang mga nauna ng target na sa managlahing police office sa rehiyon. Ang mga nahisgutan matud pa ang mga responsable sa paghatag ug kasamok sa managlahing area of responsibility sa kapulisan.

Pagpaklaro niya nga ang maong mga operasyon ang intelligence driven ug natun-an ug maayo ang mga subject sa operasyon.

Gipaniguro man usab ni BGen. Corpus nga magpadayon ang samang operasyon batok na sa illegal nga droga, armas ug mga wanted nga dugay ng gataguan sa balaud.

Pamahayag niya nga dili lang karon nahitabo ang one time big time operation gumikan dugay ng may ginahimo sama niini ang matag police station mapa-city man o provincial level. Apan sa karon, ilahang nadesisyunan nga himuon kining regionwide.

Gipasalamatan man usab niya ang kapulisan ug ang militar sa usa ka adlaw nga operasyon nga miresulta sa pagkasikop sa mga target ug pagka-recover sa droga ug mga armas.

Facebook Comments

From Advertisers