37-anyos nga babaye, patay matapos nga tiruhon sa Banga, South Cotabato.

25

Patay ang isa ka persona kag isa pilason sa nagluntad nga pagpangluthang sa Brgy. Cinco, Banga, South Cotabato, alas 10:30 kagab-i, Pebrero 3, 2021.
Sa imbestigasyon sang Banga MPS, isa ka Generose Patiño Puyong alias In-in, 37 years old, single kag Babysitter ang sakay sa iya nga Suzuki Smash motorcycle upod ang isa ka menor de edad kag Jessa Mae Mier Placido 25-anyos, single, jobless kag pareho residente sang Sitio Maisan, Brgy. Cinco, Banga ang padulong sa Brgy. Hall sang Brgy. Cinco sang nasambit nga banwa sang tiruhon sang mga suspek.
Suno pa ginsundan sang tatlo ka mga wala nakilal-an nga mga suspek sakay sa Bajaj Motorcycle color black ang mga biktima, apang pag-abot sa Purok Conception sa nasambit nga barangay ginluthang sang mga suspek si Generose Patiño Puyong nga nagresulta sang kamatayon sini, samtang ang menor de edad ang nakaangkon naman sang igo sang bala sa iya wala nga tiil nga gindala naman sa ospital.
Sa subong nagapadayon ang imbestigasyon sang Banga MPS sa nasambit nga insidente.

Facebook Comments