39 anyos nga lalaki dakup sa buy bust sa banwa sang Pontevedra

28

Dakop ang 39 anyos nga lalaki sa ginpatigayon nga drug buybust operation sang Pontevedra Police Station mga takna las 5:30 sini nga hapon, Mayo 20 sa Gomez kag Cortez Sts. Brgy. 1 Poblacion, Pontevedra.

Ginkilala ang suspek kay William Lanzar, residente sang Purok Mabolo, Brgy. San Juan, Pontevedra, Negros Occidental.


Sa Interview sang DYHB kay P/Capt. Rhojn Darell Nigos hepe sang Pontevedra Police Station, nga makaduha na ka beses nga nabaklan sang ila asset si Lanzar kag ang transaksyon ginabayaran paagi sa isa ka pawnshop kag sa masami ini nagakuha sang kwarta bisan pa nga wala ini sang trabaho.

Nakuha sa posisyon ni Lanzar ang anum ka mga sachet sang ginasuspetsuhan shabu nga nagabug at sang 0.8 gramos kag may street Value nga 8,000 pesos, isa ka 500 peso bill nga buybust money, 300 pesos nga ginapatihan benta sa pagbaligya sang Illegal nga druga, kawasaki 125 nga may sidecar kag isa ka cellphone.

Si Lanzar ang nakahunong sa karon sa custodial facility sang Pontevedra Police Station kag igapaidalum sa drugtest bwas nga adlaw sa Negros Occidental Police provincial Office (NOCPPO).

[image: image.png]

Facebook Comments