39 ka mga business establishements sa South Cotabato wala nakacomply sang pipila ka mga health protocols, suno sa DTI South Cotabato.

Yara na sa 39 ka mga business establishements nga ginalakipan sang barbershops, salons kag dine-in resto sa South Cotabato partikular na sa banwa sang Tupi kag Polomolok ang napaidalom sa post audit/monitoring sang Department of Trade and Industry ukon DTI South Cotabato.
Apang suno kay DTI-South Cotabato Trade and Industry Development Specialist Ria Hallarsis sa 39 ka mga establishemento nga namonitor ang nakitaan gid nila sang bayolasyon nga ginatugyan naman sa mga local government units agud maaksyunan.
Suno sa iya ginsikyar nila sa nasambit nga monitoring kon bala nagacomply ang mga establishmento sa mga health protocols kapareho sa pagbutang sang foot bath, may thermal scanner, handwashing area,ginapatuman ang physical distancing kag iban pa.
Magapadayon naman suno sa iya ang ila nga monitoring tungod nagalab-ot sa 246 ka mga barbershops, salons kag dine-in resto ang target nila nga imonitor tubtob sa Hulyo 14.
Ginapangunahan naman sang DTI ang inspeksyon kag kaupod man dire ang Department of Tourism,Department of Labor and Employment, Department of Health kag mga representatives sang LGU.

Facebook Comments