396 ka mga PNP personnel sa PRO12, gi-augment para sa plebisito sa BOL

General Santos City— Nagpahigayon na ug sendoff ceremony ang Police Regional Offie 12 ngadto sa 396 ka mga Police Personnel aron nga masiguro ang pagahimuon nga plebisito sa bangsamoro organic law kon BOL sa cotabato karong umaabot nga Enero 21.

Sumala kang Police Superintendent Aldrin Gonzales, tigpamaba sa Police Regional Office 12 nga ang maong ihap ang gilangkuban sa 139 ka mga personahe gikan sa Regional Mobile Force Company nga gipangunahan ni Police Superintendent Barney Condes, 122 ang gikan sa City ug Provincial Mobile Force Company nga pangunahan ni Police Superintendent Sultan Salman Sapal Ala Haj samtang adunay 135 ka mga contingents nga pangunahan ni Police Superintendent Gilberto Tuazon nga magsilbing standby forces ingon man reactionary personnel.

Dugang pamahayag ni PSupt. Gonzales nga magsugod ang deplyoment sa maong mga tropa sa kapulisan karong adlawa hangtud na mahuman ang plebisito.


Higayon matud pa nga matapos ang botasyon sa syudad sa Cotabato sa Enero 6, mubalhin na usab ang tropa sa probinsya sa North Cotabato kung asa adunay pagahimuon nga plebisito sa Pebrero 6.

Human sa maong aktibidad, i-pull out na ang tropa sa kapulisan ug balik na sa nagkadaiyang trabaho.

Facebook Comments