NEGROS OCCIDENTAL – Nag-submit sang damage assessment ang ‘livestock kag poultry raisers’ sa probinsya sang Negros Occidental sa diin naglab-ot na sa kapin 4.6 million pesos ang halit nga gintuga sa mga kasapatan bangud naman sang El Niño phenomenon.
Base sa final damage report nga gin-release sang Provincial Veterinary Office, pinakadaku nga halit nga yara sa poultry sector ang naglab-ot sa 1.48 million pesos.
Lakip man sa mga nag-submit sang ila damage report ang mga ‘raisers’ sang free-range chicken, game fowl ukon mga inugbulang nga manok, swine, cattle kag iban pa nga sapat.
Nahibalu-an nga naglab-ot tanan sa 480 million pesos ang halit nga tuga sang EL Niño sa probinsya sang Negros Occidental sa patag sang kasapatan kag agricultura.
[image: image.png]
