4 in 1! Upat ka drug personalities, nasikop sa drug operations sa Police Station 4 Carmen sa Cagayan de Oro

Nasikop sa sunod-sunod nga drug operation nga gihimo sa kapulisan sa Carmen sa lain laing barangay sa Cagayan de Oro ang upat ka drug personalities.

Unang nasikop sa 8th -21st Street, Barangay Nazareth mga alas 8:20 kagabi mao si Richard Paul Moralda, 31 anyos, ulitawo nga taga Lestonac, Barangay Macasandig ning syudad.

Si Moralda nakuhaan og duha ka sachet sa shabu, buy bust money ug celfon.


Ikaduhang suspek, nasikop sa likod sa Misamis Oriental Provincial Capitol ground sa Barangay 27 ning syudad mga alas dies kagabie nga mao si Khalid Pendatun, 41 anyos, ulitawo ug taga Yale St., Celran Village, Tubod, Iligan City.

Nakuha gikan kang Pendatun ang duha ka sachet sa shabu, buy bust money ug celfon.

Ikatulong suspek nasikop sa Luna St., Barangay 27 ning syudad mga alas 10:25 kagabie mao si Shilrie Orio, 18 anyos, ulitawo ug taga 8th-21st St., Barangay Nazareth.

Nakuha gikan kang Orio ang usa ka sachet sa shabu, buy bust money ug celfon.

Ika-upat nga suspek, nasikop sa San Roque, Seaside, Barangay Lapasan ning syudad mga ala 1:05 kaganihang kadlawon mao si Reygee Acapulco, 32 anyos, ulitawo ug taga Bagacay, Ozamiz City.

Nakuha gikan kang Acapulco ang tulo ka sachet sa shabu, buy bust money ug celfon.

Facebook Comments