4 ka bag-o nga drug personalities sa Bacolod dakup sa buybust

*BACOLOD CITY – *Dakop ang apat ka mga persona sa buy bust operation nga ginpatigayon sang mga katapo sang Police Station 6 sa Purok Sunrise 2, Brgy. 2, syudad sang Bacolod kahapon sang hapon.

Ginkilala ni Police Station 6 Station commander Police C/insp. Jovil Sedel ang subject sang operasyon nga si Marvin Diancen, 39, sang Purok Rio Vista, Brgy Taculing sa amo man nga syudad.

Lakip man sa nadakpan amo sanday Roderick Millan, 37, Purok Sunrise 2, Brgy. Taculing; Eduardo Allare, 40, sang Brgy 41 kag Olga Javier, 51, sang Purok Sunrise, Brgy. Taculing tanan sang syudad sang Bacolod.


Narekober sa posisyon sang mga nagkaladakpan ang 6 ka small heat sealed transparent plastic sachet sang ginasuspetsuhan shabu, 7 ka elongated transparent plastic sachet sang ginasuspetsuhan shabu, kag pila ka mga drug paraphernalia.

Suno kay Sedel nga malapit sa P7,000 pesos ang market value sang mga ginasuspetsuhan shabu.

Kaso nga paglapas sa Section 11, 12 kag 15 sang RA 9165 ukon Comprehensive Dangerous Drug Act of 2002 ang ipasaka batuk sa mga nagkaladakpan kag karun priso sa custodial facility sang Police Station 6./dyHB BACOLOD

Facebook Comments