Arestado ang apat ka mga drug personalities nga nagapakilala nga PDEA kag Police assets sa ginpatigayon nga anti–illegal drug operation sang Philippine Drug Enforcement Agency (PDEA 12), Tacurong City Police Station kag Sultan Kudarat Police Mobile Company pasado alas 9:00 sang gab-i sang tinalikdan nga adlaw sa bahin sang Obra Subdivision , Barangay Griño, Tacurong City.
Ginkilala ang mga suspek kanday Jude Dela Cruz, Alias JUDE, 35 -anyos, single, negosyante kag residente sang Apilad Subd., Brgy. Poblacion, Tacurong City, Zenaida Teves, Alias Inday, 40 -anyos jobless, residente sang Brgy. Saranay, Tacurong City, Joemar Gregorio, Alias Chin-Chin, 33 -anyos, jobless, residente sang Brgy. Poblacion, Tacurong City, kag Joey Pacienti Alias Jojo, 37 -anyos, jobless, kag residente sang New Isabela, sa nasambit nga syudad.
Nakuha sa mga suspek ang more or less 51 grams sang “shabu” nga nagakantidad sang P 255,000.00.
Ang nasambit nga mga suspek ang responsable sa pagpalapta sang iligal nga droga sa syudad kag nagapakilala nga PDEA kag PNP assets.
Nagapangatubang naman sa kaso nga pagbayolar sa Sections 5 kag 11 sang RA 9165 ang mga suspek nga sa subong nakadentine sa PDEA 12 Detention Facility.
