Gisanong sa mga sakop sa Carbon Police Station nga nilusad ug anti-drug operation sa Sitio Bato , diin usa ka 4-anyos nga bata ang namatay , ang awhag nga mopaubos sila paraffin test ug ipa-ballistic examination ang ilang armas aron pagsuta kung aduna ba`y usa nila nga nakapabuto sa ilang armas .
Tuyo niini nga matagaan ug katin-awan kung kinsa gyud ang nakaigo sa bata nga si Bladen Skyler Abatayo atol sa operasyon sa kapolisan nga maoy naingnan sa kamatayon sa bata .
Ang hepe sa Investigation and Detective Management Branch , Supt . Ryan Devaras nipasalig sa poamilyang Abatayo nga way bias sa gihimong imbistigasyon ug kung duna na kini resulta ila dayon kining ipahibawo sa pamilya sa bata .
Samtang ang Cebu City Police Office andam usab sa paghatag ug hinabang sa pamilya sa bata tungod kay nasubo usab sila sa gidangatan niini .
