Ini ang pahayag ni Police Senior Superintendent Marlon Tayaba, Director sang Iloilo Provincial Police Office ukon IPPO sa presscon nga ila ginpatigayon subong gid lamang nga aga upod ang apat nila ka pulis nga gin dismiss sang Ombudsman sa Serbisyo.
Suno sa iya nga apisar naga padayun ang ila apelar kag naga pangayo sang re- investigation sa ila nga kaso, sige sila sa gihapon sa pag panerbisyo bilang katapo sang pulis.
Ang apat ka pulis amu sanday PCInsp. Charlie Sustento, PO3 Ramon Baylon, PO2 Joebert Detorio kag PO1 John Dimzon.
Ila man ginpahayag nga naga ralain ang ila pamilya sa indi insakto kag indi patas nga desisyon sang Ombudsman sa ila nga kaso.
Todo suporta naman ang IPPO sa ila mga police nga ginakabig pinaka maayo nga pulis indi lang sa iloilo kundi sa bug-os nga Pungsod.
