PATAY ang apat ka tuig nga bata nga babayi matapos nga napilpilan sang goal frame ukon goal post sang football sa PLDT-Football Field sa syudad sang Silay.
Natabu ang insidente sadtung lunes sang hapon – Mayo 20 sang ang biktima ang nag-tambong sa flores de mayo sa ila kapilya malapit gid lamang sa open field.
Nahibalu-an nga naga-pangita ang biktima sang bulak para sa flores kaupod sang iban pa nga mga bata tubtob nga makahapit sila sa poste sang goal sa diin may yara naman sang iban pa nga mga menor de edad.
Bangud nga mga kabata-an, didto na kag ila ginhampangan ang goal frame rason nga natumba ini sa diin disgrasya naman nga napilpilan ang 4 year-old nga si Regina.
Ang biktima ang na-ipit sang salsalon sa iya dughan nga amo naman ang ginatuna-an sang internal hemorrhage nga nagresulta sa iya kamatayon.
Suno sa amay sang biktima nga si Ronilo nga dapat gin-secure sang mga players ang goal frame sa diin ila kuntani ini gin-higtan apang ila lang ginhal-id kag ginhampangan naman sang mga kabata-an.
