Un antes pulis, 3 otro el muerto mientras unu el iriddo na tres separao tiroteo del Lunes hasta ayer mejo dia.
Alas 9:50 del noche del Lunes cun canda Addani Alhambri Muammara, 35, y Tutoh Bangsa Akmad, 53, ya tira el dos persona muntao na motor mientras na un videoke house sila.
Si Muammara ya muri despues ya tupa el bala na su cabesa mientras con Akmad ya tupa na derecha pierna.
El maga suspechao ya escapa despues del incidente mientras con Akmad ya lleva na hospital.
Alas 12:20 madrogada ayer canda Edlin Lambo y Baughman, 34, casao de Lunzuran, un antes pulis y su compañero si Modzfar E. Saliallam alias Al, casao de Sitio Asinan, Kasanyangan muntao na motorsiclo encamino para na Sitio Asinan, Kasanyangan na residencia di Saliallam cuando de llegar sila na highway del Kasanyangan tiene ya lang dos persona muntao na otro motor ya hace apas canila y ya tira usando 9mm y 45 pistola.
Cuando ya tumba el maga victima, el maga suspechao ya entabla para na pueblo.
El dos maga victima ya muri despues estos ya sostene monton tupada de bala na destos cuerpo.
Maga pulis ya recobri 18 capsula de 9mm pistola y 6 tambien capsula de 45 pistola y cuantos matiacao punta de bala.
Ayer medio dia, si Bashir Kasim, 50 adentro del Masji del Omar Drive, Talon-Talon cuando derepente ya aparese si Jubail Asiddin, 70, quien armao de pistola y ya tira conele nap echo.
Si Kasim ya muri dayun mientras si asiddin ya escapa antede llega el maga pulis.
