4 patay, 5 pilason sa bun-anay sa Moises Padilla

1709

MOISES PADILLA, NEGROS OCCIDENTAL – Apat patay lakip na ang isa ka 5-anyos nga bata kag duha ka iban pa ang nasamaran sa natabo nga pagbinun-anay sa Brgy. 1, banwa sang Moises Padilla.

Nakilala ang mga biktima nga nagkalamatay nga amo sanday Kerwin Royo, 22 anyos, Brgy. Kagawad Ernesto Royo, 59 anyos, ginatudlo nga suspek nga si James Labiga kag ang 5-anyos nga si John Michael Mirano, tanan pumuluyo sang amo nga lugar.

Suno sa imbestigasyon sang Moises Padilla PNP ang insidente nagsugod mga las 7 kagab-i ang una nga hugnat sang insidente matapos ginsita sang biktima nga si Kerwin ang nagalabay nga suspek nga si Lavega bangud nga ginhampak niya ang kudal.

Didto kag nagsugod ang paglinalisay kag ginbuno ni Labiga si Kerwin nga amo ang gintunaan sang iya kamatayon.

Pasado las 6 kaina sang aga, nagpadulong sa morgue ang isa pa sa biktima nga si Kagawad Royo upod ang iya hinablos nga si Fritz agud lantawon ang bangkay ni Kerwin.

Apang matapos ginsugiran ang duha nga may nakakita sa suspek nga si Lavega sa Brgy. 4, dali dali ini nga ginkadtuan sang biktima gani liwat naman nga nagsugod ang paglinalisay kag nagbalusay buno ang magtimbang nga bahin.

Sa karon ginahibalo pa sang tul-id kon ngaa nasalabat ang 5 anyos nga bata kon diin may nagasiling nga ini siya ang ginhimo nga taming sang suspek.

KON IKAW PAHAMBALON. SA ISA KA HITABO DAPAT GID BALA MAGPADALA DALA IKAW SA IMO BALATYAGON PAAGI SA PAGTIMALOS?

Facebook Comments