40 ka mga resorts kag restaurants sa South Cotabato amat-amat na nga nagbukas.

Amat-amat na nga nagbukas ang 40 ka establishemento sa probinsya sang South Cotabato matapos nga nagsarado bangud sa epekto sang COVID 19 pandemic.
Suno kay South Cotabato Tourism Operation Officer Argie Ryan Asaria ginlakipan ini sang resort kag restaurant matapos mahatagan sang certificate to operate sang Department of Tourism Region 12.
Dugang pa ni Asaria, luwas sa pahanugot nga ginhatag sang DOT 12 nagpatigayon man sila sang inspeksyon sa nasambit nga mga establishemento agud masiguro nga nagatuman sa mga health protocols ang mga negosyante.