40 ka pamilya sa Claveria, Misamis Oriental, natunulan og tabang sa kagamhanang probinsiyal

Mikabat sa 40 ka pamilya sa Barangay Minalwang, Claveria Misamis Oriental ang natunolan sa nagkadaiyang hinabang.

Kini nga mga hinabang naglakip sa upat ka sako sa bugas, duha ka cartoon sa sardinas, tulo ka sako sa used clothings ug 50 ka food packs gikan sa Provincial Disaster Risk Reduction ang Management Office kon PDRRMO ug Misamis Oriental Care System kon Misorcares.

Nasayran nga kini na ang ikatulo nga higayun nga naghatud sa hinabang ang PDRRMO ug Misorcares, sukad pa niadtong Marso 30 ning tuiga.

Tungod niini, gikalipay sa mga bakwit ang nasangpit nga mga hinabang, ilabi na nga maglisod sila sa pagpangita sa ilang inadlaw nga panginahanglan karong panahona.