Nairana la unay kadaytoy a paniempo ti pannakaipaima ti nasurok 400 a sako ti complete ken urea fertilizers kadagiti nagduduma a grupo ti zanjera iti ili Dingras.
Daytoy ti imbatad ni Mr. Rogelio ceredon, municipal agriculture and fishery coordinator ti nadakamat nga ili ken maysa kadagiti personal nga immawat kadagitoy nga ayoda para kadagiti mannalon.
Kunana a kadagitoy a paniempo ket madama ti “top dressing” kadagiti mulada a pagay ken mais ken naipanawen la unay tapno adda ti pangsupusopda ti pagkurkurangan ti igatangda ti abono.
Inlawlawag na nga agpannuray kadagiti barangay chairman no siasino ti nasken a mabunongan ken isu ti makatingiting no siasino dagiti pudpudno a makasapul kadagiti ayoda ken dagiti dadduma a saan pay a nabunongan itay kallabes.
Naamwan a dagiti barangay a nabunongan ket ti barangay Albano, San Esteban, Lanas, Barong, Cali, Dancel , Foz Espiritu, Lumbad, Guererro, Madamda, Medina, Peralta , Saludares, San Marcelino, Sulquiano, Puruganan, Bacsil ken San Marcos.
