4,000 nga nakandidato para ha Barangay ha Tacloban, nagpirma na hin Peace Covenant

TACLOBAN CITY – Nagdumara hin signing of Peace Covenant an PNP Region 8 ngan Commission on Elections (COMELEC) para han mga kandidato yana nga tikaarabot nga Barangay ngan SK elections.

Sumala kan PSSUPT. Leonardo Suan, PNP Region 8 Deputy Regional Director for operations, tapos na ha Northern Samar ngan titikangan liwat ha magkadurudilain nga lugar ha rehiyon.

Ngatanan nga kandidato ha Barangay tikang ha Barangay Kapitan ngan Kagawad, ngan ha Sangguniang Kabataan (SK)positions, in kinahanglan nga umatender para han Signing of peace covenant para makasiguro nga magin mahimyang, malimpyo ngan waray gindadapigan an mahihinabo nga Eleksyon sumala han opisyal.


An signing in matatapos durante han forum ha kada bungto ngan syudad.

Kakulop, tapos na an signing of peace covenant ha syudad ha Tacloban, sumala kan Ma. Goretti Caseñas Cañas, City Election Officer, nanumpa na an mga mangangandidato nga diri hira magdudumara hin mga kasamok ha ira barangay yana nga eleksyon.

“Messages were given to the candidates that they will commit and promote free, orderly, honest, crime free and cridible elections.”

Maabot kwatro mil nga madalagan yana nga barangay and SK elections ha Tacloban an pumirma han peace covinant.

Samtang, ginbabantayan yana nga eleksyon han mga otoridad an aada ha election watchlist, nangunguna dinhi an probinsya han Northern Samar kun diin mayada 114 nga barangay nga kinahanglan siguraduon an kahimyang, sumunod an Samar 82 barangay, Eastern Samar, 60 barangay ngan Leyte 28 nga barangay.

Mayada man gud nakalabay nga record nga kasamamok hini nga mga lugar durante han eleksyon.

Facebook Comments