400K kantidad sang danyos sa nagluntad nga sunog sa Brgy. Zone 1.

Nagalab-ot sa P400K ang inisyal nga kantidad sang natuga nga danyos sang sunog sa Zabate compound sa Prk. Mangga, Brgy.Zone 1, Koronadal City , alas 10:45 kahapon sang aga, Hunyo 17,2021.
Suno kay Fire Officer 3 Ricky Villacora, imbestigador sang Bureau of Fire Koronadal lakip sa mga nasunog ang duha ka boarding house, isa ka motorparts, computer shop kag tyangge nga partially damage.
Ginpahayag ni FO3 Villacora base sa ila inisyal nga imbestigasyon nga naghalin ang kalayo sa likod nga bahin sang computer shop.
Pahayag ni Villacora nga isa sa ila ginalantaw nga kabangdanan sang sunog ang tungod sa electrical wirings, apang padayon ang ila nga imbestigasyon.
BaSe sa ila nga datos suno kay FO3 Villacora naglab-ot na sa 14 ka insidente sang sunog ang narekord nila halin Enero tubtob Hunyo 17, 2021 nga nagalab-ot sa masobra P1 million ang natuga nga danyos.
Apela naman sang pamunuan sang Bureau of Fire Koronadal sa mga pumuluyo nga maghalong batok sunog kapareho sa pagkakas sang saksakan sang mga electrical appliances kag extension wire kon wala na ginagamit.

Facebook Comments