403rd Brigade, gihagit ang publiko nga mosumbong kung nalapas ang ilang tawhanong katungod!

212

Malaybalay City, Bukidnon – Samtang dili ikapasalig sa 403rd Peacemaker Brigade, Philippine Army nga perpekto ang ilang pagpatuman sa Martial law, gihagit niini ang mga katawhan nga nayatakan ang ilang tawhanong katungod nga isumbong sa hingtungdan buhatan aron mahatagan ug aksyon.
Sa interview sa RMN ngadto kang Capt. Norman Tagros, ang civil military officer sa 403rd peacemaker brigade gipasalig niini ang ilang hugot ang pagrespito sa tawhanong katungod ug pagsunod sa rule of law.
Bisan pa man niini gihagit ni Tagros ang publiko nga kung aduna may nakitang pagpang-abuso nga hinimo sa kasundaluhan o kaha sa kapulisan nga isumbong sa ilaha o kaha sa local government unit aron mahatagan gilayon ug aksyon.
Sa karon gisiguro sa 403rd Brigade nga ilang ipadayon ang paghimo ug security measures pinaagi sa pagpatuman ug checkpoints uban ang kapulisan sa probinsya sa Bukidnon kini subay matud pa sa ilang tahas ilabina ning panahon sa martial law.
Dili lang matud pa ang Bukidnon ang ilang gitutukan kon dili apil na ang kasikbit nga mga probinsya nga ilawom sa ilang area of responsiblity sama sa Misamis Oriental ug Camiguin.

Facebook Comments