403rd brigade, hugot nga gikondena ang pagpang-ambush sa NPA nga gikamatay sa upat ka bulan nga bata

Malaybalay City, Bukidnon – Hugot nga gikondena sa 403rd Infantry Peacemaker Brigade ang pag-ambush ug pagpatay sa rebeldeng New People’s Army o NPA didto sa Brgy. Ticalaan, lungsod sa Talakag, Bukidnon.

Sa interview sa RMN Malaybalay ngadto kang Capt. Norman Tagros ang spokesperson sa 403rd gibutyag niini nga ilang hugot nga gikondena ug gikasubo ang pagkapatay sa usa ka pulis ug upat ka bulan nga batang babaye.

Matud ni Tagros nga mas gikasubo nila kini ilabina karong bulana sa Nobyembre nga gisaulog ang National Childrens Month ug mao kini ang gibalos sa mga rebelde.


Una nang gikondina sa PNP region 10 ang linu-og nga binuhatan sa NPA.

Kini human angkona sa NPA nga sila ang mi-ambush sa mahindra patrol sa Amai Manabilang Police Station ug Fortuner vehicle samtang pauli na unta kini niadtong Huwebes.

Gisaway kini sa kapulisan tungod sa kamatayon sa upat ka bulan nga batang babaye ug pagkakalas usab ni SPO3 Arnel Carillo.

Alayon niini, wala matud pa naluya ang militar ug nagpabilin matud pa silang madasigon dungan sa panawagan ni Tagros sa publiko nga magmaigmat sa palibot ug itaho gilayon sa otoridad ang unsa mang kadudahang lihok sa palibot.

Facebook Comments