406 ka pamilya gi-evacuate sa Davao City sa nahitabong pagbaha

45

Davao City – Kapin kwatro cientos ka pamilya o 1,551 ka mga indibidwal ang gipang-evacuate tungod sa nasinating pagsaka sa lebel sa mga kasapaan ug street floodings sa kusog nga pag-ulan sa Davao City niadtong milabayng gabii.

Sa eksklusibong interview sa DXDC RMN Davao kang CDRRMO chief Alfredo Baloran, walay major damages, na-missing o casualties nga reported sa entero dakbayan.

Nakabalik na usab sa tagsa-tagsa ka mga panimalay ang mga gipanghikling nga mga apektadong pamilya sa Brgy. Matina Crossing, Brgy. Matina Pangi, Brgy. Tigatto, Brgy. Sasa ug Brgy. Mandug sa pagtaas sa kasapaan sa Matina, Gatungan, Bunawan ug Talomo River.


Anaa sa 7 ka mga indibidwal ang temporaryong gi-evacuate sa San Isidro Chapel sa Purok 5 Apiki, Brgy. Tigatto human ang ilahang panimalay nadamyos sa nahitabong landslide.

Padayong nagpahimangno si Baloran sa mga Davaoenos nga magpabiling igmat ug magalerto tungod hangtod pa sa 1st quarter sa 2022 ang pagdaot sa panahon ug heavy rainfall nga mamahimong hinungdan sa pagtaas sa tubig sa mga tributaries o kasapaan.

RadyoMaN Aimee Guinita



Facebook Comments