42 anyos balhog sa presohan tungod sa iligal nga droga

12

[image: illegal-drugs.jpg]
Hagbong sa kamot sa kapolisan sa Alabel probinsya sa Sarangani ang 42 anyos nga lalaki human masikop tungod sa pagpamaligya og iligal nga droga.

Matod sa imbestigasyon sa Alabel Municipal Police Station giila ang nasangpit sa pangalang Jerry Villaflor residente sa Sitio Cebuano Barangay Maribulan sa nahisgutang munisipyo.

Alas-10 ang takna niaging adlaw gikasa sa kapolisan ang buy-bust operation batok sa suspek sa maong dapit og malampuson nga nakapalit ang poseur-buyer nga pulis og usa ka pakete sa gituohang shabu balor og 500 pesos na gigamit isip marked money.

Dihang naaresto girikisa ang lawas sa suspek og nakarekober ang kapolisan og laing duha ka pakete sa shabu.

Kasong pagsupak sa Section 5 og 11 sa Comprehensive Dangerous Drugs Act ang suspetsado nga napaslak na sa lock up cell sa presinto.

Facebook Comments