General Santos City—Sikop ang usa ka Kadafi Mamadual, 42 anyos, residenti sa Phase 2, Gensan Vill., Barangay Bula, Gensan atol sa gilusad nga buybust operation sa Police Station 6, alas 4:00 ang takna sa hapon didto mismo sa ilang lugar.
Nasayran nga napalitan ug usa ka sachet sa gituohang shabu ang suspek sa usa ka pulis nga nagpakarong-ingong poseur buyer gamit nag P500.00 nga marked money.
Narekober gikan sa posisyon sa suspek ang (1) ka sachet sa gituohang shabu ug marked money.
Sa karon balhog na sa silda sa Police Station 6 ang suspek ug sa adlawng Lunes, pasakaan na kini ug kasong kalapasan sa RA 9165.
Facebook Comments
